PRIBATUTASUN POLITIKA

Azken eguneratze-data:  2024ko otsailak 20

XEDEA

Pribatutasun-politika honek STELLUM CAPITAL inbertitzailearen webgunean https://stellumcapital.com (aurrerantzean, “webgunea”) atzitutako datu pertsonalen tratamendua erregulatzen du.

TRATAMENDUAREN ARDURADUNA

Webgunean datu pertsonalei ematen zaien tratamenduaren arduraduna da: STELLUM GESTORA DE ACTIVOS, S.G.E.I.C., S.A.U. (aurrerantzean, “STELLUM CAPITAL”).

Egoitza soziala: Zuatzu kalea 7, Urola eraikina 1. lokala, beheko solairua, 20018, Donostia.

IFK: A-44598795

Posta elektronikoa: info@stellumcapital.com

DATU PERTSONALEN ORDEZKARIA

Inveready Asset Management, S.G.E.I.C., S.A.

Helbidea: Zuatzu kalea 7, Urola eraikina, 1. lokala, beheko solairua, 20018 DONOSTIA

Arduradunaren harremanetarako datuak: dpo@stellumcapital.com

DATU PERTSONALAK

STELLUM CAPITALek kasuan kasuko tratamendurako beharrezkoak diren datu pertsonalak baino ez ditu jasoko.

Erabiltzaileak datuak egiazkoak direla bermatuko du, eta bera izango da datu faltsuen edo zehaztugabeen erantzule bakarra.

TRATAMENDUAREN HELBURUA

Datu pertsonalen tratamendu-arduradunak helburu hauek ditu, kasuan kasu:

  • STELLUM CAPITAL inbertitzailearen web-atarian erabiltzaileari alta eta baja ematea eta mantentzea.
  • Kontratuzko harremanaren kudeaketa komertziala eta administratiboa egitea, eta dagokion dokumentazioa bidaltzea eta kudeatzea.
  • Kontratuzko harremana mantentzea interesatuarekin edo hark lan egiten edo kolaboratzen duen enpresarekin edo erakundearekin.
  • Webguneari eta haren bitartez egindako abusuak eta iruzurrak prebenitzea, detektatzea eta kontrolatzea.
  • Legeak xedatutako betebeharrak betearaztea.

 

DATUEN TRATAMENDUA LEGEZKOTZEA

Datu pertsonalen tratamendurako oinarri juridikoa erabiltzailearen baimena izango da,  baldin eta helburu hauek baditu:

  • STELLUM CAPITAL inbertitzailearen web-atarian erabiltzaileari alta eta baja ematea eta mantentzea.

Erabiltzaileak datuen tratamendurako baimenari edozein unetan uko egin diezaioke, aurretiko datu-tratamenduaren zilegitasunari eragin gabe.

Datu pertsonalen tratamendurako oinarri juridikoa lege-betebeharra betetzea izango da,  baldin eta helburu hauek baditu:

  • Kontratuzko harremanaren kudeaketa komertziala eta administratiboa egitea, eta dagokion dokumentazioa bidaltzea eta kudeatzea.
  • Legeak xedatutako betebeharrak betearaztea.

Ezinbestekoa da datu pertsonalen tratamenduak aipatutako helburuak izatea, STELLUM CAPITALek dagokion legeriak ezarritako betebeharrak betetzeko.

Bestalde, datu pertsonalen tratamendurako oinarri juridikoa erabiltzailearen baimena izango da,  baldin eta helburu hauek baditu:

  • Kontratuzko harremanaren kudeaketa komertziala eta administratiboa egitea, eta dagokion dokumentazioa bidaltzea eta kudeatzea.

Ezinbestekoa da datu pertsonalen tratamenduak aipatutako helburuak izatea, STELLUM CAPITALen eta inbertitzaileen arteko kontratua izenpetzeko eta gauzatzeko.

Azkenik, datu pertsonalen tratamendurako oinarri juridikoa tratamendu-arduradunaren legezko interesa izango da, baldin eta helburu hauek baditu:

  • Kontratuzko harremana mantentzea interesatuarekin edo hark lan egiten edo kolaboratzen duen enpresarekin edo erakundearekin. Araudiak tratamendu-arduradunaren interes legitimoa aitortzen du.
  • Webguneari eta haren bitartez egindako abusuak eta iruzurrak prebenitzea, detektatzea eta kontrolatzea. Tratamendu-arduradunak webgunea toki seguruan mantentzeko nahia da legezko interesa.

HARTZAILEAK

STELLUM CAPITALek ez ditu datu pertsonalak jakinaraziko, legez derrigorrezkoa denean eta azpikontratatuen kasuan izan ezik.

Litekeena da STELLUM CAPITALek datu pertsonalak jakinarazi behar izatea erakunde publiko eskudunei, xedapen arauemaile edo eskakizun bat betez.

Ez dago aurreikusita datuen nazioarteko transferentziarik egitea (Europako Esparru Ekonomikotik kanpo), biltegiratzeko ez bada behinik behin, eta, edonola ere, oinarrian egokitzeko erabaki bat eta araudiak xedatutako berme egokiak eta EU-US Data Privacy Framework akordioari atxikitako erakundeak ez badaude. https://www.dataprivacyframework.gov/

Informazio gehiago eta berme horien kopia eskuratzeko, jarri harremanetan datuak babesteko ordezkariarekin, dpo@stellumcapital.com helbidean.

MANTENTZEKO EPEAK

Datuen tratamendurako oinarri juridikoa erabiltzailearen baimena bada, baimen horri uko egiten ez dion bitartean mantendu egingo dira.

Gainerako oinarri juridikoen kasuan, datu pertsonalak tratamenduaren helburuetarako behar den denboran gordeko dira.

Edonola ere, legeak xedatutakoaren arabera, datu pertsonalak mantenduko dira tratamendu-arduradunari erantzukizunak eska dakizkiokeen denboran, eta, hala badagokio, blokeatu egingo dira iraungitze-epea amaitzen den arte.

ERABILTZAILEEN ESKUBIDEAK

Datuak babesteko araudia betez, jakinarazten dizugu edozein unetan gauza ditzakezula datu pertsonalak atzitzeko, zuzentzeko, ezabatzeko, mugatzeko, aurkaratzeko eta eramateko eskubideak. Horretarako, datuak babesteko ordezkariari dpo@stellumcapital.com helbidera idatz diezaiokezu.

Zehazki, eskubide hauek gauza ditzakezu:

  • Datu pertsonalak atzitzea.
  • Datu zehaztugabeak edo osatugabeak zuzentzea.
  • Datuak ezabatzeko eskatzea, besteak beste, jasoak izan ziren helburuetarako beharrezkoak ez badira.
  • Datuen tratamendua mugatzea, datuak babesteko araudiak zehaztutako baldintzetako bat betez.
  • Interesatuek datuen tratamenduari uko egin diezaiokete, baldintza zehatzean eta norberaren egoerari lotutako arrazoiengatik. Kasu horietan, STELLUM CAPITALek datuak tratatzeari utziko dio, legezko arrazoiak daudenean edo erreklamazioak egiteko edo haien aurrean babesteko beharrezkoa denean izan ezik.
  • Tratamendu-arduradunarekin harremanetan jartzea, ikuspuntua eman eta, hala badagokio, STELLUM CAPITALek hartutako erabaki automatizatuak inpugnatzeko.
  • Datuen eramangarritasuna eskatzea.

Zure datuak nola izapidetu diren ados ez bazaude, erreklamazioa jar dezakezu datuak Babesteko Espainiako Agentzian (www.aepd.es).

DATUAK EGIAZTATZEA ETA EGUNERATZEA

Erabiltzaileak egiazko datuak, zehatzak, osoak eta egungoak erabiliz beteko ditu inprimakiak. Erabiltzaileak ez ditu beste pertsona baten datuak sartuko, titularrak berak emandako datuak baizik. Erabiltzaileak inprimakian gezurrezko datuak, okerrak, osatugabeak, zaharrak edo beste pertsona batenak sartzen baditu, zuzenean edo zeharka eragindako kalte-galeren erantzule bakarra izango da.

Erabiltzaileak datuen aldaketen berri eman beharko du, datuak eguneratuta mantentze aldera.

INFORMAZIOAREN SEGURTASUNA

Stellum Capital-ek datu pertsonalak babesteko legezko neurriak hartu ditu; halaber, eskuragarri dituen gailu teknikoak hartu ditu web-erabiltzaileak emandako datu pertsonalen galera, erabilera txarra, aldaketa, atzipena eta lapurreta ekiditeko. Hala ere, erabiltzaileak kontuan izan behar du Interneteko segurtasun-neurriak ez direla erasoezinak.

WEB-ANALITIKAK

Webgune honek hainbat analitika erabiltzen ditu haren bilaketaren, atzipenaren eta erabileraren berri izateko. Analitika horiek datu pertsonalak biltzen dituzte; hala nola, IP helbidea, konexioaren lokalizazioa eta nabigazio-softwareari edo -hardwareari buruzko informazioa. Informazio horrek ez du erabiltzaileekin loturarik, eta webgunearen erabilerari buruzko informazio estatistikoa lortzeko baino ez da erabiltzen.

HIRUGARRENEN FUNTZIOAK ETA OSAGARRIAK ERABILTZEA

Webguneak hirugarrenek emandako funtzioak eta osagarriak barnera ditzake, helburu hauetarako:

      • Hirugarrenen web-analitikak
      • Hirugarrenen mapak
      • Hirugarrenen bideoak
      • Sare sozialetan partekatzea
      • “gogokoa” “gustatzen zait” “+1” eta antzeko botoiak

Hirugarren baten funtzio edo osagarri batek zuzenean konektatzen ditu erabiltzailearen nabigatzailea eta hirugarren batek kontrolatutako Internet-domeinuak; horrela, funtzioa deskargatu eta exekutatzen da.

Halaber, hirugarrenen osagarri gehienek erabiltzaileek bisitatzen dituzten orrialdeak biltzen dituzte, haien interesei egokitutako publizitatea eskaintzeko.

GOOGLE, INC.-EK AHALBIDETUTAKO GOOGLE ANALYTICS FUNTZIOA ERABILTZEA

Webguneak Google Inc-en (1600 AMPHITHEATRE PARKWAY, MOUNTAIN VIEW, CALIFORNIA, USA) funtzio analitikoak biltzen ditu, haren bilaketaren, atzipenaren eta erabileraren berri izateko. Erabiltzailea webgunean sartzen denean, haren nabigatzaileak zuzenean konektatzen du Interneteko google.com eta Google-ren beste domeinu batzuetako zerbitzariekin. Era horretan, Googlek erabiltzailearen jarduera eta haren IP helbideari buruzko informazioa erregistratzen ditu. Google Analytics-ek cookie iraunkorrak erabiltzen ditu webgunearen erabilerari buruzko estatistika anonimoak egiteko, pribatutasun-politika honi jarraikiz: https://www.google.com/analytics/learn/privacy.html?hl=es

Webgunearen erabiltzaileak bere datuak adierazitako moduan eta helburuekin tratatzeko baimena ematen dio Googleri.

GOOGLE, INC.-ek EMANDAKO FUNTZIOEN ERABILERA

Webguneak barne hartzen ditu Google Inc-en funtzioak (1600 AMPHITHEATRE PARKWAY, MOUNTAIN VIEW, CALIFORNIA, USA); adibidez, Youtubeko bideoa, mapak eta “+1” botoiak. Horrenbestez, weba erabiltzean erabiltzailearen nabigatzaileak zuzenean konektatzen du Interneteko google.com eta Google-ren beste domeinuetako zerbitzariekin. Googlek weba nork bisitatu duen jakin dezake haren IP helbidearen bidez. Googlek erabiltzailearen gailuko cookie iraunkorrak, memoria lokala eta Flash-en memoria erabiltzen ditu, besteak beste, erabiltzailearen Internet-jardueraren informazioa bildu eta haren interesei egokitutako publizitatea eskaintzeko, betiere pribatutasun-politikei jarraikiz: (http://www.google.es/intl/es/policies/privacy/). http://www.google.es/intl/es/policies/privacy/

Webgunearen erabiltzaileak bere datuak adierazitako moduan eta helburuekin tratatzeko baimena ematen dio Googleri.

LEGERIA APLIKAGARRIA ETA ESKUMENEKO JURISDIKZIOA

Webguneari lotutako auziak Donostiako Auzitegien eskumenaren eta jurisdikzioaren pean geratuko dira.