MISIOA ETA BISIOA
Stellum Capital-ek Artizarra Fundazioaren ikuspegi eta misio berdinak ditu; funtsean, enpresa-sarean eragin positiboa eta jasangarria izatea.
Horretarako, Stellum-ek inbertsio arduratsua egiten du, eta finantza-kudeaketa errentagarriaren bidez enpresei ingurumen-, gizarte- eta gobernu-eremuetan garatzen laguntzen die.
GURE BALIOAK
Stellum-ek partaidetzapeko enpresei ESG eremuan jardunbide onak ezartzeko eskatzen die, baina bere jardueran ere aplikatzen ditu, eredu izateko.
Stellumen ESG eremuko balio esanguratsuenak dira:
Portaera etikoa; arduraz eta zintzotasunez jarduten saiatzen gara.
Jasangarritasuna; etorkizuna gaurko erabakien mende dago. Jakinaren gainean gaude eta, horregatik, gure seme-alabei mundu jasangarriago bat utzi nahi diegu.
Pertsonenganako eta ingurumenarekiko errespetuz jokatzen dugu beti, eta gure proiektua horretan oinarritzen dugu.
GURE HELBURUAK
Eragin handiagoa izan dezakegun eremuetan oinarritzen gara.
Ingurumenaren jasangarritasuna:
Ekonomia linealak ekonomia zirkularrerantz eboluzionatu behar du. Gure bezero-zorroan dauden enpresei pentsamolde hori helarazi nahi diegu, haien negozio-ereduak aldatzeko.
Soziala
Gure jarduera-eremuko hazkunde ekonomikoa sustatu eta, besteak beste, enpresa-eremuan lan-baldintza duinak eta berdinzaleak ezarri nahi ditugu.
Gobernantza
Bezero-zorroan ditugun konpainiei gobernu-egitura korporatiboak hobetzen eta goi-zuzendariei eta langile berriei egokitutako pizgarri-programak ezartzen laguntzen diegu.
GURE GJHak
2015ean NBEk onartutako Garapen Jasangarriko Helburuek (GJH) ingurunea etengabe hobetzeko jardunbide zehatzak ezartzen dituzte. Gure eragina maximizatze aldera, Stellum Capital-en gure jarduera-eremuarekin lotutako jardunbideetan oinarritu gara, ustez balio handiagoa eman dezakegulako:
Pertsonak
inbertsio guztietan lan-eremu berdinzaleak eta duinak sortzea, errespetuaren eta lanbide-etikaren kultura lehenetsiz.
 |
5 | Genero-berdintasuna |
 |
8 | Lan txukuna eta hazkunde ekonomikoa |
 |
10 | Desparekotasunak murriztea |
Planeta
Klima-aldaketari aurre egitea kutsatzen ez duten energia-iturriak baliatuz, ondasun birziklagarriak ekoiztuz eta baliabideen erabilera jasangarria eginez.
 |
7 | Energia eskuragarria eta ez kutsagarria |
 |
12 | Ekoizpen eta kontsumo arduratsuak |
Oparotasuna
Guk eta gure oinordekoek naturarekin harmonian dagoen bizitza oparoaz gozatzeko lan egitea.
|
7 | Energia eskuragarria eta ez kutsagarria |
|
8 | Lan txukuna eta hazkunde ekonomikoa |
 |
9 | Industria, berrikuntza eta azpiegitura |
ESG BATZORDEA
Stellum Capital-en ESG-ren barne-batzordea dugu, arlo horretako helburuekiko errespetua eta ezarpena bermatzeko, eta, aldi berean, bezero-zorroan ditugun enpresei helburutzat ezarritako ESG metriken jarraipenerako eta hobekuntzarako tresnak ahalbidetzeko.
